Былое, але не думы : сёе-тое з пражытага і перажытага

Новая кніга лаўрэата Дзяржаўнай прэміі Рэспублікі Беларусь і шэрагу прэстыжных літаратурных прэмій Алеся Марціновіча — свайго роду споведзь пра час і пра сябе. Адметная яна тым, што згаданае ў ёй найчасцей падаецца з гумарам. Больш за тое, нярэдка прыводзяцца і такія сітуацыі з уласнага жыцця (дый з жыцця іншых пісьменнікаў), а таксама з журналісцкага і літаратурнага асяродку, пра якія, магчыма, можна было б і прамаўчаць. Кнігу «Былое, але не думы» нельга не прачытаць. Яе не адкладзеш убок нават тады, калі з аўтарам у нечым не пагаджаешся, бо ўсё, пра што расказвае ён, не пакідае абыякавым.