Тропы, сцежкі, знакоўкі, логвішчы і іншыя адзнакі сысуноў Беларусі: доўгатэрміновы досвед у Налібоцкай і Паазерскай пушчах

Кніга дае падрабязнае ўяўленне аб адзнаках дзейнасці сысуноў Беларусі і другіх прыродных рэгіёнаў лясной зоны Эўропы. Сярод гэтакіх адзнак дзейнасці сысуноў вылучаюцца тропы, сцежкі, тэрытарыяльныя знакоўкі, апраўкі, лёжкі адпачынку, логвішча, кіпцявыя надрэпы, мейсцы грумінгу, купалішча, сушылкі, норы, рэшты харчавання, забітыя драпежнікамі ахвяры, мядзведжыя берлагі, бабровыя хаткі і дамы ды шэраг іншых. Гэтая інфармацыя падаецца як па разнастайным экалягічным сытуацыям, гэтак і па розным гатункам сысуноў. Матэрыял для напісання і ўкладання гэтай кнігі збіраўся цягам сарака гадоў пераважна ў Налібоцкай пушчы і Паазерскай пушчы.