Мядоцкая «Берагіня» ў прасторы і часе

Кніга-альбом «Мядоцкая «Берагіня» ў прасторы і часе» прысвечана творчасці вядомага ў Беларусі і за яе межамі заслужанага аматарскага калектыву Рэспублікі Беларусь фальклорнага гурту «Берагіня» Мётчанскай адукацыйнай уставы Барысаўскага раёна Мінскай вобласці, які даў штуршок да нараджэння ў нашай краіне нацыянальнага фальклорнага руху «Берагіня».

На старонках выдання ў сціслай форме раскрываецца змест творчай дзейнасці ў вясковым асяроддзі фальклорнага дзіцячага гурту, скіраванага на засваенне і папулярызацыю руральнай культуры ў яе разнастайных лакальных традыцыйных мастацкіх праяўленнях.

Кніга будзе карысна ўсім, хто цікавіцца гісторыяй нацыянальнай мастацкай культуры, функцыянаваннем традыцыйных відаў і жанраў народнай спадчыны беларусаў, этнавыхаваннем асобы ў сучасных умовах.