Час i творчасць Льва Бакста

Год: 
2016
ISBN: 
978-985-581-002-6
Объем: 
328 стр.
Размер: 
20.5x27.0 см
Переплет: 
мягкий
Язык: 
Русский
Белорусский
Английский
Статус: 
Нет в наличии

8 лютага 2016 г. мы адзначаем юбілейную дату — 150-годдзе з дня нараджэння аднаго з самых вядомых сцэнографаў, майстра станковага жывапісу і тэатральнай графікі, мастацкага афарміцеля знакамітых дзягілеўскіх тэатральна-мастацкіх праектаў Льва Бакста.

ЮНЕСКА як ключавая міжнародная арганізацыя, якая курыруе пытанні культуры, прыкладае нямала намаганняў для развіцця міжкультурнага дыялогу і распаўсюджвання ідэй універсальнасці мастацтва.

Нацыянальная камісія Рэспублікі Беларусь па справах ЮНЕСКА надае вялікае значэнне беларускім культурным праектам і садзейнічае іх прасоўванню на міжнароднай арэне.

Па ініцыятыве Беларусі рашэннем 38-й сесіі Генеральнай канферэнцыі ЮНЕСКА юбілей Льва Бакста ўнесены ў Каляндар памятных дат ЮНЕСКА, што пераканаўча сведчыць аб прызнанні творчасці мастака для ўсёй сусветнай супольнасці.

Леў Бакст стаіць у адным шэрагу з такімі знакамітымі мэтрамі як Шагал, Суцін, Цадкін, Кікоін, якія нарадзіліся і тварылі на беларускай зямлі. Гэтыя асобы з’яўляюцца свайго роду візітнай карткай Беларусі, спрыяюць пашырэнню межаў яе пазнавальнасці ў свеце.

Выстаўка «Час і творчасць Льва Бакста», несумненна, стане знакавай падзеяй не толькі для беларускіх аматараў мастацтва, але, я ўпэўнены, дадасць яшчэ адну цаглінку ў архітэктуру пазітыўнага ўспрымання Беларусі ў еўрапейскім і сусветным маштабе.

Карыстаючыся нагодай, ад імя Нацыянальнай камісіі Рэспублікі Беларусь па справах ЮНЕСКА хачу выказаць асаблівую ўдзячнасць арганізатарам выстаўкі: ААТ «Белгазпрамбанку» і Нацыянальнаму мастацкаму музею Рэспублікі Беларусь за садзейнічанне ў папулярызацыі беларускага ўнёску ў развіццё сусветнай культуры.

Уладзімір Макей,

Міністр замежных спраў Рэспублікі Беларусь,

Старшыня Нацыянальнай камісіі

Рэспублікі Беларусь па справах ЮНЕСКА

Добавить комментарий

Plain text

  • HTML-теги не обрабатываются и показываются как обычный текст
  • Адреса страниц и электронной почты автоматически преобразуются в ссылки.
  • Строки и абзацы переносятся автоматически.