Вандроўка да хлеба

«Вандроўка да хлеба» — сёмы выпуск серыі «Культурная спадчына Беларусі» на беларускай, рускай і англійскай мовах — своеасаблівы навігатар для хлебнага тура па Беларусі. Чытач упершыню атрымлівае выдатную магчымасць не толькі пазнаёміцца з гісторыяй хлебапякарства краіны, але і прасачыць шлях ад зерня, кінутага ў зямлю, да духмянай буханкі, які знайшоў адбітак у павер’ях, звычаях, святах беларусаў. Перагортваючы старонкі багата ілюстраванага выдання, ён зазірне ў мноства цікавых месцаў — сучасныя музеі хлеба, пякарні, хлебазаводы, а яшчэ завітае ў госці да хлебапёкаў — носьбітаў і пераемнікаў старажытных традыцый. Прадстаўленыя рэцэпты дапамогуць выпякаць хлеб у хатніх умовах для сваёй сям’і.