Кнігу паэзіі Змітрака Марозава «Вачыма сэрца» склалі вершы, санеты, вянкі санетаў, першы ў еўрапейскай літаратуры вянок вянкоў санетаў «Апакаліпсіс душы», створаныя паэтам за многія гады літаратурнай працы.
Тонкая інтымная лірыка, вобразнасць і назіральнасць, глыбокае веданне побыту вяскоўцаў, прачулыя радкі пра бацькоўскі край і дарагіх сэрцу людзей, вернасць традыцыям і любоў да матчынай мовы, адказная грамадзянская пазіцыя — усё гэта дзякуючы таленавітаму слову З. Марозава не пакіне абыякавымі прыхільнікаў сапраўднай паэзіі.
Вельмі прыемна, што кніга заканчваецца падарункам дырэктару выдавецтва:
Жыву, пакутую, люблю.
Малюся коласу і Богу,
З трывог і радасцей ляплю
Днём і ўначы сябе самога.
Жадаю я спасцігнуць век,
Які пражыць не давядзецца…
І ўсё ж я проста чалавек,
Гляджу на свет вачыма сэрца.
Добавить комментарий