Кожны паэт у пэўным сэнсе спавядальны – ці гэта думкі пра радзіму, вялікую і малую, ці гэта ацэнка сваіх учынкаў і спраў, ці нешта зусім- зусім асабістае, патаемнае… Вершы – увасабленне ўсяго таго пасродкам слова, шчырага, цёплага, прыгожага, роднага. Надзея Салодкая са сваім беларускім словам і родным краем – непарыўнае цэлае. І гэта ўжо прызнана шматлікімі прыхільнікамі яе творчасці.
У любога чалавека некалі надыходзіць час падвядзення вынікаў, у тым ліку і ў асобы творчай. Вершы пішуцца, ліюцца, потым ім робіцца цеснавата ў рытмічна-рыфмічным надзеле, словы зрываюцца ў нязму-шаны паток празаічны.
Пад вокладкай гэтай кнігі сабраны вершы, эсэ, замалёўкі, згадкі-роздумы таленавітай пісьменніцы, сапраўднага патрыёта не толькі сваёй сённяшняй малой радзімы — старажытнай Полацкай зямлі, але і ўсёй Беларусі.
Добавить комментарий